රට පටලැවිල්ලක මූලක්

 මම හිතන්නෙ ලංකාවට තියන ලොකුම අවුලක් දේශපාලන පක්ෂවල නමේ ඉඳලම ප්‍රතිපත්තියක් නැති වැනෙන සුලු බව.

එක්සත් ජාතික පක්ෂය, ශ්‍රී ලංකා නිදහස් පක්ෂය (මේකෙ අනු නම් සියල්ල), සජබ, (පොහොට්ටුවෙ නම මතක නෑ) වගේ නම් අරන් බලමු. එකකවත් පැහැදිලිව නෑ ඒව වාමාංශිකද, දක්ෂිණාංශිකද කියල. එහෙම පැහැදිලිවම දැක්වෙන පක්ෂයකට උදාහරණය තමා පෙරටුගාමී සමාජවාදී පක්ෂය, සමාජවාදි සමානතා පක්ෂය වගේ ඒව. ඒත් ඒව ප්‍රධාන පක්ෂ නෙවේ.

මේ නොපැහැදිලිතාවය හින්ද ප්‍රධාන පක්ෂ වලට පුලුවන් ඕනෑම වෙලාවක එක කොණක ඉඳන් අනික් කොණට රූපාන්තරණය වෙන්න. වැල යන අතට මැස්ස ගහන්න. මිනිස්සුන්ගෙන් ඩිමාන්ඩ් එකක් එනකොට ඒක බලාගෙන තමන්ගෙ ප්‍රතිපත්ති හදන්න. ප්‍රධාන පක්ෂ දෙක රවුම කැරකිල වැටෙන්නෙ එකම පාරට. ඒ නිසයි රනිල් වික්‍රමසිංහගෙන් අවසාන වෙන මේ දේශපාලනික පරිච්ඡේදයට අනුව අපිට තවදුරටත් විපක්ෂය කවුද කියල තෝරාගන්න බැරි.

මේක එක ප්‍රශ්නයක්.

දෙවෙනි ප්‍රශ්නෙ දක්ෂිණාංශික කියන වචනෙත් නිකන් පාපයක් විදිහට සලකන එක. හරිනම් සිංගප්පූරුව ආදර්ශයක් විදිහට අරන් යන ගමනෙදි සමාජවාදෙ කියන වචනෙ ඇහුණත් ඇඟේ මයිල් ඉස්මයිල් වෙන්න ඕනෙ...

මම අදහස් කරන්නෙ නෑ දක්ෂිණාංශික වීමෙන් මේ සියලු ප්‍රශ්න විසඳන්න පුලුවන් කියල. ඒත් මේ ප්‍රවාහ දෙක (වම, දකුණ) එකිනෙකට විරුද්ධව වෙන වෙනම, පැහැදිලිව ගොඩනැඟෙන්න ඕනෙ.

මේ දෙකේ ගැටුම නිසා ඵලදායී දේවල් එලියට විසිවෙනවා.

දුබලයා පෙළීම

ඉස්කෝලේ කොනකට වෙලා අඬ අඬ හිටිය පාලව දැක්ක ටීචර් කෙනෙක් ගිහින් හේතුව ඇහුවලු.
පාල අඬ අඬ මෙහෙම කියනලු.
"බලන්න ටීචර්, පරිස උගන්නන මිස් හරියට පන්තියට එන්නෙ නැහැ.සෞඛ්‍ය උගන්නන සර් ඉස්කෝලෙට ගමේ මිනිස්සු එකතුකරල දුන්නු ක්‍රීඩා උපකරණ ඔක්කොම ඉස්ටෝරු කාමරේ දාල ලොක් කරල.කැන්ටිමේ කෑම සත පහකට වැඩක් නෑ ලෙඩ වෙන ජාතියෙ ඒව.දැන් දැන් දහයසරෙ කොල්ලොත් මාව දැකල මට කොලොප්පන් කරනවා.දැන් ටිකකට ප්‍රයිමරි කොල්ලෙක ඇවිත් මට "පඹය හූ.." කියල දිව්වා..."

මේක අහපු ටීච පාලගෙ ඔලුව අතගාන්න ගත්ත.

"මේ සමාජෙ හැටි තමා ඔය.ඒත් සර් අමතක කරන්න එපා සර් මේ ඉස්කෝලෙ ප්‍රින්සිපල් බව."

අරාජිකවාදියා (ලේඛකයා සහ දොස්තර කටු සටහන්

"මිනිස්සු රැකුණේ ඔවුන් විසින් පද්ධතියක් ආරම්භ කරපු නිසා.මම හිතන්නේ මේකට ලිඛිත සාධක ඇති පැරණිම උදාහරණය මෝසස් විසින් සිනායි කන්දේ ඉදිරිපත් කරපු දස පනත.අනික් හැමදේම වගේ මේ පද්ධතියත් පරිනාමය වුනා.

එන්න එන්නම ඔවුන්ට වැටහුණු දේ තමා පද්ධතිය විසින් ඔවුන් ගිලගනිමින් ඉන්නා බව.හැබැයි පද්ධතිය නැති වුනොත් ඔවුන්ගේ පැවැත්ම නැතිවෙලා යන්න තිබ්බ.ඉතින් මේකේ පරාමිතීන් නිර්මාණය කරන්න වුනෙත් මිනිස්සුන්ටමයි.ඉතින් යම් මිනිසුන් පිරිසක් විසින් මේක ෆයින් ටියුන් කරන්න වගකීම ගත්තා.

මෙන්න මේ පද්ධතිය අන්තිමේට අද තියන තත්ත්වෙට එද්දී ගත්තේ පිරමීඩාකාර හැඩයක්.ඉහලයන්න යන්න කුඩාවෙමින් තියුණු කෙලවරකින් ඉවර වෙමින්,පහල විශාල පාදමක් මත රැඳී පවතින විදිහට.මේක තමා මේ පද්ධතියට ගන්න පුළුවන් වුනු ස්ථායිම හැඩය.නමුත් පාදමට එහෙම අඩුවක් නොදැනෙන්න ඔවුන් පොඩි පොඩි දේවල් ලබාදුන්නා.ආගම දර්ශනය ලිවින් ස්ටැන්ඩඩ් වගේ.(ඒ වගේම කවදාවත් ධනවත් හෝ බලවත් අනුග්‍රාහකයෙක් නැති ආගමක්වත් දර්ශනයක්වත් බිහිවෙලා නැහැ)

උඹට දැන් නම්බර් එකක් තියනවනේ..මම කිව්වේ කම්පැනි එකෙන් දීපු.දැන් උඹේ අංකෙ ඩේටාබේස් එකේ ගැහුව ගමන් උඹ ගැන විස්තර එනවා.නම,වයස,ලිපිනය,ගෑණි,දරුවෝ,උපත විපත මේ හැම රෙද්දක්ම.උඹ මොකක් හරි කේස් එකක් දාගෙන අයින් වුනොත් උඹේ බොසාල කරන්නේ අලුත් නොම්මරයක් හදල උඹේ නොම්මරේ මකල දාන එක.උන්ට උඹ හැඟීම් දැනීම් වලින් හැදිච්ච,හුස්ම ගන්න,බරක් තියන ප්‍රාණියෙක් නෙවේ.අංකයක් විතරයි.මේකයි ඇත්ත.... අයි. ඩි, ,සෝෂල් සිකියුරිටි නම්බර් මේ ඔක්කොම.ලෝකෙම ලොකු හිරගෙයක්.අපිට මුන් අංක දීල තියෙන්නේ.

උඹ හිතනවද පිරමිඩේ ඉහලට නගින එක ලේසියි කියල.එහෙම නැත්තන් ඉහලට ගියාම මුදුන ගලවල විසි කරන්න හිතෙනවා කියල.නැහැ.. ඉහලට යන්න යන්න මේකට තියන ආශක්ත බව වැඩිවෙනවා.පහලින් ඉන්න උන්ව පාගන් ඉන්න තියන ආසාවත් එක්කම.ඉතින්....කරන්න තියෙන්නේ...පාදම වැඩේ තේරුම් අරගෙන..මේ පිරමිඩෙන් ගැලවෙන එක විතරයි...එතකොට පිරමිඩේ වැටෙනවා...මුදුනත් එක්කම.

බලය.

The Lord of the rings කියන සිද්ධි දාමය ඇතිවෙන්නේ middle earth කියල මේ ලෝකය මහද්වීප වලට බෙදෙන්න කලින්.සෞරෝන් කියන්නේ මේ ලෝකය මොන ක්‍රමයකින් හරි පාලනය අතට ගන්න දහන් ගැට දාන පුද්ගලයෙක්...

ඔහු මුදු 19ක් හදල බෙදල දෙනවා ලෝකේ පාලනය කරන ප්‍රධාන කොට්ටාස අතරේ.(එල්ෆ්ලා,ඩ්වෝෆ් ලා සහ මිනිස්සු අතරේ).නමුත් ඔහු එක මුද්දක් තමන්ටම හදාගෙන තියාගන්නවා.ඒක තමා master මුද්ද.ඔක්කොගෙම මුදු වලට වඩා බලවත් වගේම පාලනය කරන්න පුළුවන්.මේ මුද්ද නිසා බලයෙන් අඩුම කොට්ටසය වන මනුෂයින්ගේ රජවරු සම්පුර්නෙන්ම පිරිහිලා සෙවනැලි වගේ අඳුරු අධිපතිවරයාට සේවය කරන්න ගන්නවා.මේ අඳුරු අධිපතිව විනාශ කරන්න බැහැ ඔහුගේ මුද්ද තියනකල්.

පස්සේ කාලෙක ඔහුගේ අතින් මේක නැතිවුනහම දියගොල් කියන hobbitට මාලුවෙක්ගේ බඩේ තිබිල හම්බුනහම එකට ලෝභකමේ ඔහුගේ හොදම යාලුවා ස්මියගොල් ඔහුව මරල මේ මුද්ද ගන්නවා.hobbitලා කියන්නේ සෑහෙන සැහැල්ලුවෙන්,ප්‍රීතිමත්ව ඉන්න හීනෙකින් මිනීමැරුමක් ගැන හිතන්නේ නැති උන්.ඒත් මේ මුද්ද මේ ස්මියගොල් කියන hobbit ආශාවෙන් සහ බලයෙන් අන්ධ කරලා දානවා.ස්මියගොල් මුද්දත් අරන් පැනල යනවා.

ඔහුට ඉන්පසු ජිවත් වෙන්න වෙන්නේ තනියම.මුද්ද නිසා ඔහුගේ පෞරුෂය දෙකට බෙදෙනවා(split personality).එකක ලාවට තියනවා ස්මියගොල්ගේ ප්‍රතිරූපය අනික මුද්දට වහල්කමේ ඇතිවුණු gollum කියන ප්‍රතිරූපය.ඔහු මුද්ද නිසා දිර්ඝායුෂ්ක වුනත් විඳින්න වෙන්නේ මරණයටත් වඩා දඬුවමක්.වැහැරිලා,කොන්ඩේ හැලිලා බඩගාගෙන යන සතෙක්ගේ තත්වෙටම පත්වෙනවා.මේ අතර තමයි ෆ්‍රෝඩො ගේ මාමා බිල්බො ට ගොලම්ගෙන් මුද්ද පැහැරගන්න පුළුවන් වෙන්නේ.ඔහුට හොඳ අවස්තාවක් ලැබෙනවා ගොලම්ව මරා දමන්න නමුත් ඔහු ගොලම්ව මරා නොදමා එතනින් පිට වෙනවා.

බිල්බෝ hobbit කෙනෙක්ගේ සාමාන්‍ය ආයු කාලය ඉක්මවා ජීවත්වෙනවා මුද්ද නිසා.නමුත් ඔහුට වැටහෙන්න ගන්නවා මුද්දේ තියන භයානකකම.gandalfගේ ඉල්ලීමට මේ මුද්ද හා හැමදේම ෆ්‍රෝඩොට දීල ඔහු එතනින් පිටවෙනවා.මේ මුද්ද හරියටම මොකක්ද කියල දැනගන්නේ සෑහෙන්න පහු වෙලා.මුද්ද විනාශ කරන්න පුළුවන් ඒක හදපු ගිනිකන්දටම දාල විතරයි.frodo භාරගන්නවා මුද්ද විනාශ කරන්න.ඔහුගේ සහායට ලඟින්ම ඉන්නවා samwise gamgee කියන උයන් පල්ලා.මඟදී ගොලම්ව හම්බෙලා ඌව නොමරා දිවුරුම් ප්‍රකාශයක් ගන්නවා උදව් කරනවා කියල මුද්ද විනාශ කරන්න ඒක හදපු ගිනිකන්දට දාන්න.

දැන් කට්ට කාල කට්ට කාල ගියා ගිනිකන්ද මුදුනටම ගියාට පස්සේ frodo කියනවා මේක මගේ විනාශ කරන්න බැහැ කියල.සෑම්ට ඇඩෙනවා.නමුත් ගෝලම් කරන වැඩේ මුද්ද ගන්න forodo එක්ක පොරකන එක.ගලවගන්න බැරි නිසා frodoගේ ඇඟිල්ල පිටින්ම හපාකාල ගන්නවා.ඒ එක්කම වැටෙනවා ගිනි කන්දට.මේ කතාවේ කියන්නේ බලයට ආශක්ත වෙන එක කොච්චර දරුණු වෙන්න පුලුවන්ද කියන එක.
*
*
*
ජේ.ආර්. ජයවර්ධන මැරෙනකල් පාලනය කරන්න හිතාගෙන ව්‍යවස්ථා සංශෝධනයක් කරනවා විධායක ජනාධිපති ධුරය කියල එකක්.මේ තනතුර තියෙන්නේ නීතියටත් උඩින්.ජනාධිපතිවරයාට කිසිම නීතිමය පියවරක් ගන්න බැහැ.ඔහුට ඕනෙම පුද්ගලයෙක් නීතියෙන් වැරදිකරු වුනත් නිදහස දෙන්න පුළුවන්.ඔහු කරන්නේ කැබිනට් ඇමති මණ්ඩලයේ වරප්‍රසාද වැඩිකරලා,ඉල්ලා අස්වීමේ ලිපි අරගෙන ඔවුන්ව වහල්ලු කරන එක මුලින්ම.ජනමත වරණයක් තියල එක බලු විදිහට හොර කරලා මහා මැතිවරණයකට යන එක වළක්වනවා.

මේ පදවියේ විනාශ කාරී බව වටහාගෙන මේක අහෝසි කරනවා කියල දිවුරලා එන චන්ද්‍රිකා 94දි වැඩිම ප්‍රතිශතයකින් ජනපතිවරණය ජයග්‍රහණය කරනවා.ඔක්කොම හදන්න ආව ගෑණි අන්තිමේට ජනතාවගෙන් ප්‍රතික්ෂේප වෙන්නේ කුණු ගොඩක් වගේ විසික් වෙලා ගිහින්.

යුද්දේ දින්නයින් පස්සේ ඔක්කොම හදාගන්න පුළුවන් කම තිබ්බ මහින්ද කරන්නේ තමන්ට මියෙනතුරු අභියෝග කරන්න ජගතෙක් එන්නේ නෑ කියලා මේකේ බලයට වහ වැටිලා අත්තනෝමතික සංශෝධනයක් කරලා 3 වෙනි පාරට බලයට එන්න...

එතකොට කවුරුවත් හිතන්නේ නැති විදිහට පුංචි frodo කෙනෙක් අභියෝගය භාර අරගෙන මේ ධුරය නැති කරනවා දවස් 100කින් කියලා සපත කරනවා.ඔහු සහ අන්කල් සෑම්ගේ මුනුපුරු රනිල් එකතුවෙනවා මේ ගමනට.බල ලෝභයෙන් gollum කෙනෙක් වීගෙන ආව මහින්දගෙන් ඔවුන් දේපල මෙය උදුරා ගන්නවා.දැන් දින 100යෙ කෑලිත් නෑ හැබැයි මේ මුද්ද විසිකරන්න තියා frodo එහෙම එකක් ගැන හිතලවත් නෑ..
.
.
මේ කලබල අස්සේ gollumටයි අන්කල් සෑම් ගේ මුණුපුරාටයි එකම දෙයක් නිසා එකතුවෙන්න වෙනවා.ඒක තමා මේ විධායක මුද්ද ගිනිකන්දෙන් විසිකරන්න.මොකද මොන frodo කෙනෙක්වත් කවදාවත් මේකේ බලයට ආශක්ත වුනාම කැමැත්තෙන් විසි කරන්නේ නැහැ.....

ඔය පදවියේ තියන භයංකාර බලය මිනිහෙක්ට දරාගන්න  බෑ.අන්න එකයි මේක නැති කරලා දාන්න ඕනේ... Moral of the story-Game of Thrones කියන්නේ සෑහෙන්නම cheap thrill එකක්...
(ප්‍රධාන චරිත මරල දාන එකේ shock value එකෙනුයි,ලේ පෙන්නන එකෙනුයි ගෑනුන්ගේ හෙලුවෙනුයි රන් වෙන)

ගෝඨාගේ නිවසින් ඩයිනසෝර් බිත්තර...

හිටපු ලේකම්වරයාගේ නිවසින් ඩයිනසෝර් බිත්තර කිහිපයක් හමුවී ඇති බව ඉතා විශ්වාසී ආරංචි මාර්ග සඳහන් කරයි.සජීවී තත්වයේ උෂ්ණත්වය යාමනය කළ කුටීර තුල මේවා තබාගෙන ඇති අතර බොහෝදුරට චීන සංචාරයකදී මිලට ගත් ඒවා බවට උපකල්පිතයි.

බිත්තර 3 හමුවූ අතර එකක් බිහිසුණුම මාංශ භක්ෂකයකු වන ටීරනෝසෝරස් රෙක්ස් නම් ඩයිනෝසෝරාගේ බව තහවුරු කර ඇත.තවත් එකක් ඩයිනොනයිකස් නම් රෙක්ස්ට පමණක් දෙවැනි වෙන මාංශ භක්ෂකයකුට අයත්ය.අනෙක තාම තහවුරු කර නැත.

මෙම බිත්තර උෂ්ණත්වය අංශක 79කට ආසන්න අගයක පුපුරා පැටවා එළියට එන ආකාරයට සැකසී ඇත.මෙය යොදාගැනීමට උත්සාහ කර ඇත්තේ දේශපාලන විරුද්ධවාදීන්ට එරෙහිව බවද පැහැදිලි කරුණකි.මිනී කන මෝරුන් තබාගැනීමට කරදිය මිශ්‍ර ජලය නියමිත අනුපාතයෙන් පවත්වාගෙන යාම අපහසු නිසා පැහැරගන්නන් කෙළින්ම ඩයිනෝස්සෝර කුටීරයකට යැවීමට පහසු පරිදි සකසා ඇත..ආණ්ඩුව පෙරලුණේ නැතිනම් මෙය සදහටම රහසක් වීමට ඉඩ තිබුණි.