Monday, September 11, 2017

පුංචි හීන

ටිකෙන් ටික
ලොකු වෙන්න වෙන්න
මට තිබුණේ පුංචි හීන

පොඩි රස්සාවක් කරන්න
ඉන්දියන් බයික් එකක් ගන්න
ඔබේ වැඩ හැරුණු විට
රැගෙන යන්නට එන්න

අඳුරත් එක්ක මුසුව
හීන් පොදයක් වැටෙන විට
ජැකට් එක ගලවා
ඔබට පොරවාලන්න

වාතය දෙබෑ කරගෙන
තදින් මුහුණේ ඇනෙන
හීන් වැහි උණ්ඩවලට
තනියමම මුහුණ දෙන්න

රේස්කළවිට,තද බ්‍රේක් එකකට
ඔබ තරමක් ගැස්සෙන විට
කිටි කිටියේ බඳ වටා ගිය ග්‍රහණය
තව තවත් තදවෙන හැටි දැනෙන්න

කිසිවිටක ඉටු නොවුණට
මට තිබුණේ පුංචි හීන